VAKIL Lijiye ab aur aage badhte hai, ek vakil sahab se milte hai
Ye logon ko nyaya dilane ka dhong rachate hai,
Magar logon ko fasakar dalali khud Dakar jaate hai
Apradhiyon ko ba-ijjat bari karate hai
Nirdoshon ko hawa mein latakwate hai
Adalaton mein lambi chaudi bahsen karte hai
Baar baar taareekhen dalwakar apni jeben bharte hai
Arey apne padosi ne to mukaddme mein apni jindgi gujar di, ab uske bete aage mukaddma ladenge,
Vakil sahab to tab bhi jeben bhar rahe the, bhar rahe hai, bharte rahenge
Hum to sahab vakilon ke is jaan leva chakkar ko door se hi haath jodte hai
Kyonki ye to jonk ki tarah saara khoon chooskar hi peechha chhodte hai
DOCTOR Chaliye baat aur aage badhate hai, aapko aapke doctorse milwate hai
Wahi doctor jo mareejon ka bhagwaan hota hai
Magar jiski ek chook se aadmi jameen ke chaar feet andar hota hai
Dawaon mein bhi ghotala karta hai
Aur nakli dawayen dekar marij ki jindagi dodhari talwar per taang deta hai
Bhroon hatya jaise karyon ko anjaam deta hai
Aur kisi kisi ka to gurda bhi nikal leta hai
koi koi doctor to sabhi ka baap hota hai
Pehle kisi aur bimari mein koi aur dawa dekar rog paida karta hai
Aur uske baad uska ilaaj karke duguna paisa aintha karta hai
Bhaiyya hum to in doctoron ke pachde ko achchhi tarah se jaante hai
Yeh to taang tootne per x-ray haath ka aur operation doosri tang ka kar deta hai
Yeh to marne ke baad bhi peechha nahi chhodta hai
Postmartem ke naam per hazaron rupaye thagta hai
Ise neechta ki kaun si hudd kahen ki ye to laashon per baith kar dalali karta hai
POLICE Bhai sahab jara aur aage badhiye, apne desh ki police se to miliye
Wahi police jiske kisse gaye jate hai
Jiska naam lekar apradhi nahi bachche daraye jate hai
Ye to desh ki janta ka rakshak hone ka bhram paida karte hai
Magar sach to ye hai ki ye log lootpaat ke liye vardi wala license bhi rakhte hai
Har chori ke baad ghatnasthal per pahuchte hai
Baad mein choron se apna hissa baant lete hai
Chori ki report darz karane aayi mahila thaane mein apna sab kuchh luta gayi
Arey mere desh ke rakshkon mein ye haiwaniyat kyon aa gayi
Aee mere desh ke rakshkon jara ye to socho
Ki kya hoga jab tumhari koi bahan ya beti thane mein aa gayi
