Kayastha E-Club

Originally Composed By: Anuj Prakash 'Awara'

In this materialistic wotrld, all the relations are evaluated on the basis of money. So this is an imagination, what will happen if all the relations are sold in the market like vegetables.
This is my most famous poem and I have presented it 3-4 times from the stage.

AAiye sahab aaj aapko rishton ki mandi ke darshan karate hai,
Sabjiyaan to bahut khareedi hongi aaj rishte khareedwate hai.
Yahan kaka milta hai kaaki milti hai,
aur shaadi ke liye ek adad ladki bhi milti hai.
Waise to sabhi piece apne aap mein namoone hai,
Magar special piece ke daam fir bhi doone hai.

CUSTOMER 1

Aaiye maanji aaiye,
kya aapko ek sundar, uchcha shikshit (highly educated), grah karya daksha bahoo ki talaash hai,
aur aapka beta sirf highschool paas hai.
Theek hai maanji ye salwar suit wali sasti aur saari wali manhagi milegi,
Kyonki saari wali kam kharche mein jaldi jalegi.
Aur naa jalne per saari se faansi bhi to lagegi,
Baad mein report to khair aatmhatya ki hi banegi.
Maanji aajkal thoda sa discount bhi dete hai,
aur bahoo ke saath ek stove free dete hai.
Stove mein jalaane layak thoda sa tel (kerosin oil) bhi milega,
Aur tel ka koi bhi extra paisa nahi lagega.

CUSTOMER 2

Aaiye saahab aaiye.
Kya aapko ek dulha chahiye,
matlab aapki beti ko ek chulha chahiye.
Ye IAS afsar 10 lakh mein milega, magar ye sarkaari baaboo jarur 15 lakh lega,
Aur daftar mein rishwat lekar aapki beti ko hamesha aadhunik sukh suvidhaayen pradaan karega.
daftar mein afsaron ke talwe chatta hai, ghar per aapki beti ke chatne se parhez nahi karega.

CUSTOMER 3

Aaiye saahab aaiye,
Kya aap ek bhai chahte hai,
Theek hai hum godown mein se ek kasaayi dikhate hai
Ye lakshman nahi ravan hoga, jo apni hi bhabhi ka haran karega,
Aur aapko yamlok ka raasta dikhakar tab khud marne ki baat karega.

CUSTOMER 4

Aaiye bhaiyya aaiye, kya aapko ek pyaar karne wali ladki chahiye,
nahi saahab fir to aap kisi doosre market mein jaaiye
Kyonki hum outdated fashion ka maal nahi rakhte hai,
Aur apna godown aadhunik girlfriendon se bharte hai.
Ye girlfriend pehle aapke khoob paise kharch karayegi,
Baad mein aapko kadka banakar aapke dost ke saath chali jaayegi.

CUSTOMER 5 (most sensitive)

Aaiye bete aaiye, kya, kya aapko ek maa chahiye
Ye maa aapko kahin nahi milegi, chahie poore market mein dhoodh aaiye.
Are maa bhi koi rishta hota hai, 
Bachchon ko doodh pilakar bada karna maa ka farz hota hai.

(Because market can never sell this relation. Dont try to sell this relation.) 

---

Add this Article to: